මම මාස දෙක හමාරක විතර බලු පැටියෙක් බෙහෙත් විදලා වඳ සැත්කම කරලා
පනුවෝ හලලා තියෙන්නේ. පුංචි කාලේ ගොඩක් දුක් වින්ද පැටියෙක් මගේ
අයියා කෙනෙක් බස් එකකට යටවෙලා මැරුණා. තව නංගියෙක් ලෙඩවෙලා
මැරුණා. තවත් ලෙඩ අයියා කෙනෙක් නෝනා කෙනෙක් අරන් ගිහින් සනීප
කරලා හදන්ට බාරගත්තා. එයා එහේ සතුටින් ඉන්නවා. තව නංගියෙක් ලොකූ
ඉඩමක් තියන කෙනෙක් ගෙනිච්චා. අනිත් අය ඔක්කොවන්ටම ගෙවල් ලැබුනා
මම තාම දුකින් බලා ඉන්නවා මගේ අම්මා මාව බලන්න එනතුරු. අපව පාරට
දමපු අය අපි කබරයෝ කෑවත් කමක් නැහැ කියල තමා මහා වැස්සේ දාල
ගියේ. ADSL අයියල අක්කලාට පින්සිද්දවෙන්න අපිට වැඩිකල් පාරේ
ඉන්න උනේ නැහැ දෙන්න දෙන්නා එක එක ගෙවල් වලට දුන්න බලාගන්න
කියලා. නමුත් ඒ ගෙවල් වලත් වස බව්වෝ ඉන්නවා. අපිට ඉන්ට දීල
තියෙන්නේ පුංචි ඉඩක. එත් අපි ඒ ආන්ටිට ආදරෙයි මොකද එයා අපිට දවස
පුරා කවලා කිරි පොවලා නාවලා මැක්කෝ සුද්ද කරලා අපිව ආදරෙන් බලා
ගන්න නිසා එත් අපිට ගෙදර යන්න ඕනෑ අනේ මාව ගෙදර එක්ක යන්නකෝ
මං මග බලන් ඉන්නවා
ඔයාලට මතකද ඒ අහිංසක ඉල්ලීම?
ඇගේ පින්තුරෙත් එක්ක ඇගේ ජීවිත කතාව අපේ පිටුවේ පළවෙලා
මිනිත්තු ගණනක් යනකොට CAN WE HAVE HIM?? කියල අපෙන්
ඇහුවේ ප්‍රවීන යතුරුපැදි ධාවක රුවන් පීරිස් මහතා. එදාට යෙදී තිබුණු
සිය ප්‍රියම්භිකාවගේ උපන්දිනය නිමිත්තෙන් ඇය හට පරිත්‍යාග කරනු
පිණිස ඔහු මේ පුංචි බලු පැටවා ඉල්ලා සිටියා. පැටවා ගැහැණු
සතෙකු බව දැනුවත් කෙරුණා. ඉතාම ඉක්මනින් ඔහු වෙතඇයව
අපි යොමුකළේ. pet taxi එකක් යොදවාගෙන. රුවන් පීරිස් මහතා
පෙරගමන් ඇවිත් පැටියා භාරගත්තේ ඇගේ එන්නත් පොත් ආදියත්
සමග. ඒ මොහොතේ පටන් ඇගේ ජීවිතය වෙනස් වෙන්නට
පටන් ගත්තා. මහා ලොකු ආදර ගඟක් ගලා ගියා.
අම්මෙක්, තාත්තෙක්, අක්කෙක්, සෙල්ලමට තව
ගාම්භීර බලු පිරිසක් එහි හිටියා. ජීවිතය සුන්දර වෙන්නට පටන් ගත්තා.
අම්මා ඇයට බේත් හේත් කළා. නිදන්ට ලස්සන සැප ඇඳක් දුන්නා.
යන යන තැන එක්ක ගියා. අන්තිමට ඇය ඔවුන්ගේ හා ඔවුන් ආදරය
කරන සැමගේ ජීවිත වල කොටසක් උනා. අපි ඔබ සැමට
සුබ පතනවා කෙල්ලේ! ලෝකේ හැම බලු පැටවෙකුටම මෙවන්
ආදරවන්ත පවුල් ලැබේවා කියා පතනවා!
