ඔලී කොහෙදෝ ගරාජ් එකක ඉපදිලා තියෙන්නෙ කියල මට හිතෙන්නෙ. ඒ ගරාජ් එකේ කට්ටිය ඔලීට කන්න කටක් දුන්නට ඔලී පහරන එක ගැන අසතුටෙං හිටියෙ. ඔලීගෙ අම්ම ගැනවත් සහෝදරයො ගැනවත් මට තොරතුරු ලැබුනෙ නැහැ. ඊයෙ ඔලීව ගන්න යන්න හිටියත් පහුවෙන කොට ඔලීව කොහෙටද ගිහිං දාල කියල ආරංචිය ලැබුනෙ. අන්තිමට ADSL අක්කල ඔලීව හොයාගෙන ගියා දාපු තැන බලන්න. එයාව ගිහිං දාල තිබුනෙ කැලණිතිස්ස ගාව කියල කිව්වෙ. වරුවක් යනකොට මේ අළු දැරිය ත්‍රී වීලර් රථයකිං අපේ ගෙදර තාවකාලිකව ලැගුම් ගන්ට ආවෙ.
අම්ම මට ඔලී කියල නම තිබ්බෙ ඇයි දන්නවද ග්‍රීස් නාල මජං නාල ආපු නිසා මං. අම්ම කෙල්ල කාලෙ ග්‍රීස් කියල චිත්‍රපටියක් බැලුවලු. ඒ කෙ නිලියගෙ නම ඔලීවියාලු. ඉතිං මම ඔලී...
පුංචි බඩට බඩගින්නට මාලුයි බතුයි කිරියි අනල ..........දිව්‍ය භෝජන පරාදයි. ඇඟේ ග්‍රීස් මජං තිබුනත් අම්ම කන්න ඉඩ දුන්න. පස්සෙ නාමු කීව.
දැං අපි නාමුද පැටියො?
අනේ බෑ අම්මෙ තව චුට්ටක් බත් කන්නං. කාල එන්නං.
බඩ පොත්තට ඇලිලා ආවෙ. ඔන්න ටික ටික බඩට කෑම වැටෙනවා. මේක රබාන වගෙ ඇදෙනකං කන්ට ආසයි අම්මෙ. මම ගරාජ් එක ගාව පාරෙ හුඟ වෙලාවක්ම හිටියෙ බඩගින්නෙ
ඒ ගමන බබාලට ගාන පුස්ඹ සබං ගාල නාවල කාර් එකක දාගත්තෙ කොහෙ ගෙනියන්නද මේ තකහනියෙ අම්මෙ?
මට බැහැ ඕං පෙට්ටිව්ල ඉන්න . අපි බජාර් එකේ හොඳ නිදහසේ හිටපු අය හරිද?
ගැස්සෙනව කාරෙක. ඉතිං කොහොමද දොයිගන්නෙ?
ඇති යංතං.......ගමන අවසං @ බෙස්ට් කෙයාර් ඇනිමල් හොස්පිටැල් එකේ.....
හයියු මම නාල ආවෙ හොඳ පුස්ඹයි මාගාව. ආයෙ මොනවටද පව්ඩර් කාරිය? ආ මේ මැකීලටද එහෙනං දාන්ටකො ටික වෙන්ට.........ඒ අස්සෙ අරය මගෙ පස්සපැත්තෙ උන බලනව. අපි හොඳ නිරෝගී අය හොඳේ පාරෙ හිටියට.
අයියෝ මේ මේසෙ සීතලයි මට චු බරයි!!!
දැං ඉතිං පණු බෙහෙතුත් බිව්වා. ඉංජෙස්සනුත් ගැහුවා. වෙන වද නොදී ආයෙ අපි ගෙදර යං මගෙ අම්මේ.....
------------------------------------------------------------------------------------------------------------------------------------------------------------------------------
මම මේ ඇවිල්ල ඉන්නෙ තාවකාලික නවාතැනක. මෙහෙ තව බල්ලො ගොඩක් ඉන්නවා. අමුතු අමුතු අයත් ඉන්නව. එක බල්ලෙක් කකුල් තුනක කෙනෙක්. එයාගෙ නම ඇල්ෆ්. අම්මට වැඩ වැඩියි පොඩි මම මෙහෙ ඉන්න ගියොත් දිගටම . මට ඔක්කොම බෙහෙත් විදල තියෙන්නෙ. තව චුට්ටක් ලොකු වෙනකොට වඳ සැත්කම කලාම මම පිරිමිසතෙක් වගේ තමා. මේ අම්මට වගේම ආදරේ වෙන්ට පොරොන්දුවෙනවා මං අනේ මාව ඔයාලගෙ ගෙදර එක්ක යන්න. අපේ අම්මගෙ නම සුජාතා. එයාට ටෙලිෆෝන් කරන්න මාව ඉල්ලන්න 077 250 84 57/2874370.
No comments:
Post a Comment